BE.300 Logu no.12
TAPUJI MA TUHANTA

Ayat 1
Sai hehe ma rohangku mamuji Debatamu
Na sai marasi roha di nasa manisia.

Ayat 2
Ai di na modom ahu Sai dijagai do ahu
Aut unang i naung mago Do au dibaen pangago

Ayat 3
Didok Ho, o Tuhanku Pos ma roham anakKu
Sai sonang ma ho modom Lao do muse na holom

Ayat 4
Naung saut hataM, o Tuhan Huida haituran
Ndang na mahua ahu Dijaga Ho do ahu

Ayat 5
Tung aha ma pelean Las ni rohaM hulehon?
Endengku tangiangku I ma pelehononku

Ayat 6
Ndang i tulakkononMu Diida Ho rohangku
Diboto Ho, o Tuhan Soada na dumengan.

Ayat 7
Sai udut pinungkaMu Sai suru suruanMu
Manjaga au arian Asi rohaM o Tuhan.

Ayat 8
Urupi au mangula Ulaon na marguna
Bonana nang ujungna Ho ma mambaen jadina.

Ayat 9
Patiur ma langkangku Ingani ma rohangku
HataM hangoluanku Di dalan tu lambungMu.
